一步入去。。雖然裝修很中式。。但整個環境燈光調到暗暗。。再配以輕快節奏音樂。。
感覺一點也不上海。。感覺很FUSION!
首先黎杯紫貝天葵蜜開下胃先。。味道甜甜酸酸。。飲落去除咗覺得很開胃。。其實都幾潤!
之後大胃王我就啓動喇~~
一碟三味小前菜。。分別有酒糟枝豆。。醉雞。。同埋黑魚子燻蛋!
醉雞很入味。。加上去骨。。皮滑肉軟。。點解得兩件咁小??>.<
至於黑魚子燻蛋。。一口咬下。。成個黃勁流心。。配埋黑魚子。。正呀!
頭盤已經令我開哂胃。。對之後既小菜很大期望呢~~~
以家做梗[六月黃]餐牌。。一見到 六。月。黃。 呢三個字已經吞梗口水:)
呢個係六月蟹粉法包!!
4件法包梗本搽唔哂咁多蟹粉。。所以每件法包都可以將蟹粉塗到滿滿!!
蟹粉香濃。。入口感覺一流。。可惜法包太軟身。。一咬下成件"林"咁。。
啲蟹粉食到成手都係。。有點狼狽~
第二道菜係上海佬炒花竹蝦!
每隻花竹蝦都有手掌咁長。。大大隻。。配以避風塘炒法。。fusion感十足!
呢個菜式平時係冇得餐牌order 架。。要客人訂枱時點名order先有得食!
避風塘炒蟹時常有。。炒"蝦"我都係第一次食到。。啖啖肉。。脆脆辣辣令我胃口更好!
第三道係酒糟游水老虎班~
一上枱時。。睇到魚魚張開咀巴。。舉高雙手咁。。立即為佢拍下呢個咁cute造型。。哈~
因為我不太好魚。。只品嚐了一小口。。
只能說魚身好滑。。好濃酒糟味。。所以一啲都唔腥!
第四道係六月黃炒年糕
兩隻bb蟹放於年糕上面。。吸睛指數甚高。。又係相機先食咯~
可能係bb蟹。。就咁咬已經食到入面啲黃同肉。。個殼雖然比較軟。。但係唔吞得架!!!
承傳上海菜特色。。濃濃醬汁包住啲蟹黃同年糕。。又係一絕配撘!!!
兩隻bb蟹放於年糕上面。。吸睛指數甚高。。又係相機先食咯~
可能係bb蟹。。就咁咬已經食到入面啲黃同肉。。個殼雖然比較軟。。但係唔吞得架!!!
承傳上海菜特色。。濃濃醬汁包住啲蟹黃同年糕。。又係一絕配撘!!!
第五道菜係青芥茉魚肉煎餃
呢個咁中日既配撘都係第一次食到。。青芥茉醬份量剛剛好。。不會太嗆喉。。但食落又好過隱。。
春卷皮包住啖啖魚肉。。辣得唔夠過隱。。仲可自行加辣添^^
食咗咁多濃味菜。。最後來一個毛豆百頁結做結尾!
可能之前食得太濃味。。呢個我自己覺得比較淡口>.<
雖然已很飽。。但女人說到有甜品。。總係有第二個胃食得落既~
飲啖熱茶。。清清口腔。。又到甜品時間啦~~~
木瓜雪耳杏仁啫喱糖水 同埋 黃金高力流沙!
兩樣我比較喜歡糖水。。清清潤潤。。相反高力流沙有點失望。。因為一切開都唔係流出黎既~
提外話。。話明FUSION菜。。誰說食蟹一定配飲花刁?
我地自費ORDER 咗呢枝白酒。。成晚就係咁邊食邊飲。。又過了一個快樂晚上~~
令我最窩心。。不是食物。。反而係侍應既服務態度!
佢每一樣菜都解釋得好清楚。。點樣煮。。用咩材料。。點解咁煮。。傳統係點。。以家FUSION咗會係點。。等等等等。。
如喜歡上海菜。。喜歡試新野。。對服務有要求既朋友。。值得一試呀!!
地址: 灣仔杜老誌道5號1樓
電話: 3125 3232
時間: 星期一至日11:30 - 15:00, 18:00 - 23:30
網址: http://www.shanghailo.com.hk/
