大躍進呀!
之前話過第一套56個牙箍已經全部完成哂架啦。。
今次連牙齒上面啲attachment 同button 都全部拆哂喇。。
邱醫生仲準備幫我度身訂造第二套牙箍。。再做返一啲小調教^^
效果都好理想。。整齊返唔小。。基本弧型排列都出咗黎!
之前一啲牙齒重疊咗既位置。。就係因為排齊咗。。所以見到有啲牙齒原來蛀咗>.< 有啲色差問題出現咗!
所以呢。。箍牙並唔止係為咗有整齊既牙齒。。唔係為咗貪靚。。而係口腔牙齒既健康^^ 對嗎~~~
所以喺戴第二套牙箍前。。邱醫生話先要解決咗呢啲問題先!
牙齒整齊返後。。我係好明顯見到有啲牙齒白咗。。
有啲牙齒啡咗一忽忽。。但我一路啲牙都冇痛喎。。
唔打針。。唔洗補牙住得唔得呀。。邱醫生。。
邱醫生個答案當然係唔得啦。。佢話要蛀到痛先補。。
已經係蛀到入神經。。到時已經太遲喇。。
同埋我以為係以前箍鋼牙留底既色班。。原來係最最最最初期蛀牙既跡象。。
喺毫無心理預備之下。。突然話要打針補返兩隻牙齒。。說真當時有點霧汗~~~
但不得不讚既係邱醫生手勢真係好好同細心。。佢先幫我搽咗麻痺膏先再打枝麻醉針。。
整個過程都好快手。。好快完成咗。。
最後就係重新SCAN過一次而家牙齒啲形態。。例如有咩位覺得仲想改善。。對個排列滿唔滿意。等等!
而我自己覺得基本牙齒個弧度係可以的。。但整排牙齒可以再細密啲。。再可往後推入返小小!
將我同邱醫生綜合咗啲改善位置同埋個 3D SCAN 圖。。
就可以SEND返去美國。。等待第二套牙箍來臨喇~(期待中。。)
此外。。喺到想多謝邱醫生既係佢部SCANNER。。
真心覺得呢部SCANNER好正!
有冇朋友試過舊式既印牙模?
要張到個口好大好大。。搵個U形既鋼模包住啲牙模既膠。。
之後要咬到定到形為止。。真係咬到好酸軟同留哂口水架~~~
有咗呢部SCANNER。。你只係訓喺到張開咀巴。。姑娘幫你一隻隻牙齒每面咁"DO"一下。。
咁就SCAN咗成隻牙個形態出黎。。輕鬆冇痛~~~~~~
不過相信現今科技普及化。。會越來越多醫生選用。。希望多啲朋友仔有機會試用到啦!
雖然第一套牙箍完成咗。。但以家都唔可以鬆懈架。。牙齒仍然好容易會走位。
所以第56號牙箍都係一路要戴住。。最好係每天22小時。。
直到第二套新牙箍來臨為止。
因為要用一段時間。。姑娘提醒我唔好成日咬(不自覺的不良習慣)。。
如果萬一爛咗要即刻打電話返去搵邱醫生求助。。否則就前功盡廢架啦~~~
更多文章關於 invisalign :
http://monchachamama.blogspot.hk/2015/01/invisalign-4.html
http://monchachamama.blogspot.hk/2015/03/invisalign-5.html
http://monchachamama.blogspot.hk/2015/03/invisalign-5.html
[treatment is sponsored by invisalign]
