[invisalign 隱適美] 箍牙療程 ~ 全透明見證分享 (4)

上文分享咗。。我已經開始咗我第一個" 隱形牙箍" 生活!!


今次再返去見牙醫。。除咗係攞我第二個牙箍外。。仲有咩搞呢~~

就係喺我啲牙齒上。。加上一粒粒。。透透地明。。叫做"Attachment"既野喇~

點解要咁做呢。。相信每位箍invisalign 既朋友都要架喇!

"Attachment" 其實係幫助牙齒轉動/移位。。己達致理想效果既~



講下點樣將呢啲透明粒粒。。加上去我地啲牙齒到啦。。

首先。。因為我地啲牙齒係滑潺潺既。。

咁樣好難喺上面貼上附加物。。

所以就用呢個牙粉。。悄為打磨一下。。

令牙齒表面唔好太滑潺潺先~

之後就係幫要貼粒粒既牙齒。。黎個深層清潔~

因為一貼咗上去後。。如冇意外。。

呢啲粒粒就會跟住你成個療程架喇!

咁。。當然做返個深層清潔清潔。。會好啲啦~

呢枝藍色清潔液係帶酸性既。。

所以搽上牙齒後。。可能會feel到酸酸地。。

但姑娘會一直幫忙用吸管吸走口水。。

所以酸酸味道好快就冇了^^

清潔完畢後。。就係搽膠水時間啦~

呢枝橙色物體。。就係強力膠水。。

用呢枝藍色棒棒點塗上牙齒。。

等乾咗後。。醫生會將多餘咗既膠水整走。。

絕對唔會令牙齒睇落"一忽忽"咁!

之後就可貼上一粒粒啲"attachment"!

再用個demo牙模定型返準確位置。。

再用藍光燈照一照。。

乾咗就大功告成架喇~

貼好"attachment"後。。

仲有個小步驟。。就係磨牙喇~

正常應該係用左面呢枝短短尖尖既工具。。

配合儀器打磨既。。但醫生話因為今次要磨既位置太後。。

所以幫我"手動"。。用呢啲薄薄既鐵片黎磨喇~

3個顏色。。分別係3個厚度。。(因為太薄片。。要摸上手先感覺得到)

而正反面。。就係一面光滑。。一面"鞋"身。。


就咁左反右反。。拉下扯下。。咁又完成咗喇!



聽到要"磨牙"。。係咪感覺好驚咁?!

其實一啲感覺都冇。。同埋唔係之後醫生細心既解釋。。

你都唔會知道。。原來磨咗牙。。哈哈~~


磨牙既目的。。就係為牙齒做一啲微調!

磨走小小偷位。。加埋"attachment"既轉動。。

利用"隱形牙箍"既幫助。。從而達到理想效果^^








呢個係我牙齒既3D圖片。。而粉紅色粒粒。。

就係要加上去既"attachment"喇~












希望呢張相唔會令大家感覺太不安~

見到一粒粒啲"attachment"嘛? 就係咁樣樣。。

開頭有小小唔習慣。。好似食完野。。有野"zip"住牙齒咁!

反而戴反牙箍又完全感覺唔到喎~

不過。。如果發現啲"attachment"甩咗。。



就要call返去牙醫到。。再補貼返好喇!!












而我第二副牙箍起。。已預埋有呢啲"attachment"位架喇。。

因為有呢啲"attachment" 卡住個牙箍。。

所以一除一戴都有小小困難。。但千萬唔好死拔佢出黎。。

咁樣係好易整歪整難個牙箍架!

應該用陰力向外慢慢推佢出黎。。開頭未慣係難啲。。

之後就好輕而易舉架喇~







因為陌生先會感到恐懼!

希望呢個咁detail既分享。。

會令大家對"箍牙"呢樣陌生事情。。小一份恐懼。。多一份信心!!!!!

亦多謝醫生咁詳細同細心既解釋~~ (唔嫌我問題多多。。嘻)






更多文章:

http://monchachamama.blogspot.hk/2014/08/invisalign-1.html

http://monchachamama.blogspot.hk/2014/10/invisalign-2.html

http://monchachamama.blogspot.hk/2014/11/invisalign-3.html

http://monchachamama.blogspot.hk/2015/01/invisalign-4.html
http://monchachamama.blogspot.hk/2015/03/invisalign-5.html

http://monchachamama.blogspot.hk/2015/06/invisalign-6.html

http://monchachamama.blogspot.hk/2015/12/invisalign-7.html

[treatment is sponsored by invisalign]