邁步成長 - 金裝美素佳兒2號

Monchacha Mama 喺陀住查小姐既時候。。好友約咗我地去喺灣仔會展搞既大型BB展。。之

後認識咗美素佳兒~~~~~


果次係好友帶埋 Monchacha Mama 一齊去咗美素佳兒為產婦舉辦既按摩班! 

同好友一齊上堂。。好開心。。好亙動。。比查生學完點幫 Monchacha Mama 按摩後。。

大會仲送咗個 "哺乳枕" 比我地添!


第二次就係參加咗美素佳兒喺酒店搞既產前講座。。學咗啲有用既孕婦同bb知識外。。大

會又送咗個 "三角枕" 比 Monchacha Mama。。"哺乳枕" 同 "三角枕" 都有齊。。正呀!!!


其後。。因為 Monchacha Mama 食唔到 Materna 既關係 (太大粒。。吞唔到)。。所以都

有飲美素佳兒 ~0號~ 既媽媽奶。。補充孕期所需既營養元素。




今次又收到2罐美素佳兒~2號~奶粉比查小姐!

好快就6個月喇。。到時就可以轉飲2號奶粉架喇! 不得不讚美素真係好細心同用心去照顧

唔同時期既媽媽們。。 

Yeah。。終於邁步成長。。去梗第二個階段喇~~~(拍拍手)

美素佳兒既[自家農場單次提煉技術] Monchacha Mama 相信有睇電視既你地都會好熟架

啦。。如想同小朋友轉飲美素佳兒2號奶粉既話。。美素仲好細心地附上以下既輕鬆轉奶表

比我地呢啲新手媽媽添!

註: 在轉換的頭2-3天、特別留意bb的排便狀況及消化情況去評估bb的適應能力!
在最初的轉奶階段、建議媽媽選擇在bb充足睡眠後的第一餐奶轉換奶粉。





最後好多謝美素佳兒好貼心既服務。。除咗以上所收到的貼心(身)禮物外。。仲有收到啲

有用書籍黎豐富'零'懷孕知識同湊b知識既 Monchacha Mama。。仲有其他小禮品!

你地都想好似 Monchacha Mama 一樣得到美素佳兒貼心既服務的話。。

仲唔快啲click入以下連結加入美素佳兒媽咪會!!

http://club.friso.com.hk/mumclub/mumclub.php



如想試索取試飲裝。。可click以下連結啊。。

http://www.friso.com.hk/#req_sample

產品及資訊由美素佳兒提供

好~味~分享 - 眼淚雪糕

有冇人試過眼淚係咩味?

有冇人計過每次喊留咗幾多眼淚?


Monchacha Mama 好易喊。。成日喊到啲眼淚留哂到咀邊。。所以試過係咩味。。

咸咸地。。苦苦地。。澀澀地。。係唔開心既味!!!


但呢日行過 TST 時。。Monchacha Mama 嚐到既眼淚。。雖然都有小小咸。。終歸都係甜

既。。仲脆脆地架添。。。

講梗既就係 Initial 呢杯非尋常雪糕。。名為~眼淚雪糕~

佢既顏色係好淺好淺既藍色。。味道應該係海鹽牛奶。。

甜筒深黑色。。有點苦苦地。。係 dark chocolate 吧。。

唔知係因為天氣熱定佢專登令杯雪糕温度唔太凍。。溶得好快好快。。到手一分鐘都

冇。。已經開始溶。。一滴一滴不停咁留落黎。。好似一滴滴眼淚留梗出黎咁。。

味道顏色加上溶既速度同個名都改得好貼切!!

            

$10蚊就有杯眼淚真係好化算。。試諗下幾多滴眼淚先儲滿到呢~~~~~

你都想試下呢杯眼淚嗎? 佢有嚐淚時間架(上圖)。。要注意哦~


食完呢杯眼淚雪糕。。Monchacha Mama 希望以後流既都只係快樂既眼淚。。係無價既眼

淚。。係甜既眼淚~

好~味~分享 - Sweet House Cha Cha @ Puff

查小姐呢兩日發燒。。照顧查小姐呢份工作。。Monchacha mama 比平時更加辛苦!

好在查生都好識做地買了甜點回來。。慰勞一下啫!

今次佢買咗 Sweet house Cha Cha 既 Puff 返黎!

相信 Cha Cha 既抺茶雪糕大家食得多! 

但 HC 間 Citysuper 重修後。。佢竟由一間變成咗三小間!

分別有本身既雪糕區。。以家多咗大判燒(Oobanyaki)區同埋 Puff 區。

~古古力芒果泡芙~入面既 Chocolate Custard Cream 好好味! (掛住食。。忘了影內涵比

大家添>.<)

原味比起來就有一點瞬息喇。。但佢既 Custard Cream 本身做得不太甜。。而且口感都幾

滑。。加埋酸酸地既芒果。。其實味道也不錯哦~

如果唔係即食。。記住同佢講話係"外帶"。。佢會放埋一個小凍包(上圖)入去。。等入面

既吉士唔會容得咁快! 

雖然放咗個小凍包入去。。但唔應響外層脆脆既口感!

以上兩個都係~季節限定~產品!

見到查生話~限定~兩個字。。C9性格出咗黎。。好似又真係特別啲。。好味啲咁喎。。哈

哈哈~~~~~

好~物~分享 - 5層 ~超貼薄 不起絲~ 化粧棉

呢次介紹既化粧棉真係不得了!

Monchacha Mama已經用咗好多年。。誠意推介喔!!

喺好耐之前 Monchacha Mama 買咗部 Hitachi 導出導入機。。用過既你地都知其中一啲導

出導入mode係要用化粧棉幫手架喇! 但喺面磨多幾磨塊化粧棉就開始化化地。。



Monchacha Mama試過好多牌子既化粧棉唔係太厚太"鞋"。。就係太薄太易穿開。。同埋起

一絲絲搞到成面都係棉碎!



最後喺旺角既卓越。。仲要係指定隔離地牢有間麥當當果間先買到呢盒日本白元牌化粧棉!

呢盒化粧棉一盒有80塊。。每塊可以再分開5片! 價錢都係二十幾蚊盒咋!

下圖右面果塊係一整塊既化粧棉。。而左面呢片就係果五分之一片既厚度!

Monchacha Mama 鐘意沖完涼後將保濕液/神仙水之類倒濕整片化粧棉。。然後濕敷喺面黎

補一補! 用黎落壯的話更加好抺好用!

Monchacha Mama 就係鐘意佢可一分為五! 沾濕整片後。。可分為五薄塊。。分別喺額頭、

鼻子、下巴、左及右面額各敷一塊!! 成塊面都照顧得到!

睇下沾滿咗整片神仙水後(右圖)既五分一片化粧棉幾貼簿!

                       沾濕前                      沾濕後

唔好睇薄薄一塊諗住濕咗好易穿! 睇下(下圖)就算微微拉開。。棉與棉之間都仲好有槳

力。。冇穿冇爛。。仲冇甩一絲絲架!

Monchacha Mama 又好低能咁。。諗住生咗查小姐後要坐月。。之後又要照顧查小姐冇時間

出旺角買呢啲濕碎野。。所以喺個肚羅咁大時爬咗出去買。。一買就買咗半打(6盒)返

黎。。哈哈!! 以家變咗囤積。。。

PS : 上兩星期見到759 KAWAII LAND 入咗呢個貨。。前日想去補圖比大家時。。已經唔見

有。。應該賣哂喇>.<

好~物~分享 - Playmat

Monchacha Mama 心目中一路想買既係韓國出品。。有唔同size。。唔同色系。。厚厚地果

隻地墊! 但價錢最平由千三蚊起。。想要大啲size再加埋圍欄就要數千元喇~ (點解bb野咩

都咁貴架!)


但。。竟然有日冇意中比 Monchacha Mama 喺 ikea 見到呢個筍野! 佢都係厚厚地。。都

係由一系列柔和色系組成。。不過only ONE size。。但價錢就合理化好多好多。

呢個 size(長:185cm x 闊:78cm x 厚:3.2cm)三百元有找。。(找一毛錢。。哈哈哈~~~)

因為係由五塊軟墊組合而成。。所以你大可按自己需要摺合成你所需~

做小屏封又得。。變成一張小椅子又得。。加幾個cushion變成床仔又得。。打開哂比佢

自己碌碌下又得。。

查小姐已經四個月。。佢開始會自己翻身喇! 遲啲仲會四腳爬爬添。。

綜合咗其他媽媽寶貴意見。。Monchacha Mama 覺得以家呢個已經好夠用了!可以比剛學習

翻身轉身同學爬既佢有足夠既保護同空間。。始終太細嘛~

Monchacha Mama 之前覺得買得越大越好係怕佢會喺冇墊既地方跌到。。同感覺好似喺墊上

面玩會乾淨啲。。而有圍欄係唔想佢四圍走四圍爬!

但諗真啲。。大家細個過時有冇呢啲野? 有邊個冇跌過? 如果佢爬出呢個框框就要抱返佢

入去咪冇咩意思同好唔得閒? 仲有。。喺屋企比一個咁乾淨既環境佢。。出到街有小小細

菌感染咪好易病! 加上我諗以家冇媽媽們係會唔睇住呀b做咩。。由得佢自己鐘意點就

點。。所以做好家居安全。。應該問題不大吧!

雖然查小姐係女仔。。但我絕對。。係絕對唔會當佢成一個公主咁去照顧!! 

要趺過先知痛先會大。。小朋友就係咁鐘意尋求新事物架啦。。點解要阻礙佢既發展潛能

呢?

睇下查小姐自己玩得幾開心。。哈哈哈~~~~

TEA TIME ~ 置地文華東方 - Mo Bar

第一次一個人單拖同查小姐去街街! 呢日約咗好友去 HIGH TEA! 生查小姐前後呢半年

內。。Monchacha Mama 好耐都冇去過"高茶"喇~

難得查小姐終於過咗一百日加上我同佢都叫 friend 咗啲。。都知道下佢脾性同習慣既! 

好喇。。帶埋你一齊去啦!!!

今次好友約咗我地去中環置地文華間 Mo Bar!

Mo Bar 成日同好多品牌搞cross over。。好似之前同 Laduree 馬卡龍果個咁。。

Monchacha Mama都好想去呀。。可惜果時坐梗月子>.< 加上佢一搞 cross over就好難訂位

了。。今次好輕鬆地一打去就有枱又唔洗排隊。。可惜時間短咗小小! 

2:30pm 開始。。但4:15pm 就要還枱。。兩個鐘都冇。。雖然佢唔會迫你走。。但唔想比

人趕先走同 Monchacha Mama 發覺除了查小姐。。果到都有好多媽媽同埋小朋友bb。。感

覺好親子樂下午茶。。

食物ok啦。。上圖係指定 tea set (鹹點好味過甜點)。。你仲可出去甜品自助餐區走

一走。。不過出面啲食物唔太吸引。。Monchacha Mama 同好友行咗一轉就收工了。。冇咩

好拎加上今次出黎主要想傾下計多過食野。。所以想傾下計坐下既話 mo bar 就可能唔太

適合喇~

今次去街街又有小插曲。。本來好識做既查小姐好乖乖咁捉住小象象訓咗! 點知無端端佢

又黎玩屙屎!!! 點解次次出席呢啲場合你都要咁做既(無奈)。。已經兩個鐘都冇就要還

枱。。仲要同你入去換屎片。。好彩有足夠 monchacha 經驗。。今次冇再咁大獲。。爆到

連底衫都係啫!

喺到多謝好友既邀請同查小姐都算合作既表現! Monchacha Mama 呢日玩得好開心呀^^


期待下次既茶聚~ (仲有JJ ma 同 JJ gorgor 呀!)



好~味~分享 - Mon Cher / Dojima Prince Roll

平時只有我買野食返屋企同查生分享。。

估唔到查生琴日收工後竟然買咗盒 "朱古力堂島卷" 返黎! 好 surprise 呀~~~~~~~~ 

包裝平實。。呢到雖然只係半條既份量。。但都附設冰包仔。。確保品質!

堂島卷喺日本已享負盛名。。繼銅鑼灣Sogo後。。上個月進註咗尖沙咀 Harbour City!

堂島卷既原味同古古力味係皇牌蛋卷。。芝士及抺茶更加係~香港限定~添。。

而蛋卷外都仲有其他精緻甜點可選擇。。可以一試呀!

蛋糕質地不錯。。最好味係中間既古古力忌廉! 好似溶溶地既古古力雪糕咁。。味道不太

甜而且好熟悉。。


Mon cher 想將佢地既甜點為顧客日常生活中帶來幸福。。而圓形既堂島卷梗係 ~ 維繫人

與人之間緣份的蛋糕卷~  (因為日文圓形的發音與緣份的發音相同)


呢晚一試後。。都好感受到呢份幸福既緣份! Thank YOU~~

好"物"分享 - Jordan 11 Concord Low

自從有咗查小姐後。。抽獎運好似變得不錯~~~

今次己經唔係第一次抽到想要既野^^

喺隨緣既心態下。。竟然比查生抽到2對 Jordan 11! (不過好似係話今次唔比staff私下留貨。。所以先多咗人抽到)

唔知點解反而最開心唔係查生。。而係 Monchacha Mama~

Monchacha Mama 收到得獎消息後。。第一時間走咗去排隊買呢個 lucky 返黎^^

查小姐。。你要陸續帶多啲好運比 Monchacha Mama 呀! 鍚哂您~~~

首個母親節禮物 @ 空氣清新機

第一個用媽媽身份過既母親節。。竟然收到既禮物係一部"空氣清新機"!

其實婚後。。唔知點解查生已經好鐘意送啲家居用品比我黎做節日禮物架喇(灰)~~~

以前啲咩包包首飾呀。。暗示想要既東東西西呀。。以家連明示埋都唔知去咗邊(黑灰)~~~

之前都講過。。自從生完查小姐後。。真係一路病一路病! 唔係頭痛頭暈。。就傷風感冒。。最嚴重就係鼻敏感! 個鼻可以塞足全日。。成日到好難抖氣同長流鼻水! 身體仲差過一個呀婆。。唉!

屋企本來已經有一部空氣清身機放咗喺廳用架喇(左圖)。。但查生話好似覆蓋範圍唔夠。。所以買多一部放房喎。。當係母親節佢代查小姐送比我喎! 其實買比查小姐就真!

不過 Monchacha Mama 發現好似每個有小朋友既家庭。。總有一部呢啲咁既機! 

而 SHARP - FUD50A 呢部空氣清新機(右圖)好似有好多功能。。

	高濃度PCI - 內置HD離子產生器，釋放出高濃度PCI - 有效抑制空氣中的病毒、細菌及致敏原 - 亦能抑制霉菌生長 - 以及去除異味
	HEPA過濾網- 過濾效能高達99.97%*1  - 能有效過濾0.3微米之微塵粒子、香煙粒子*2及花粉
	活性碳矽膠除臭過濾網 - 具強力除臭效能 - 去除各種異味，如香煙煙味*2、垃圾臭味及寵物異味等 - 亦能有效去除甲醛
	獨有「強力PCI 除菌」模式 - 以噴射方式在空氣中釋放60分鐘高濃度的PCI - 有效抑制空氣中的病毒、霉菌及過敏原 - 可抑制從室外帶進室內的刺激物 - 可淨化室內的塵埃污物
	花粉去除模式 - 高風速與低風速交替運行 - 有效去除空氣中的花粉
	異味感測器及塵埃感測器 - 異味感測器可感測房間內的異味，如香煙、香燭、噴霧等 - 塵埃感測器可感測空氣中的灰塵、塵蟎、花粉等
	淨化度指示燈 - 淨化度指示燈的顏色會產生變化，以顯示房間現時的空氣質素
	寧靜及節能變頻式操作 - 以低風速模式操作時，只有18分貝 - 變頻式操作，省電節能
	兒童安全鎖 - 操作面板將被鎖定，可避免小孩胡亂按鈕
	定時關機功能 - 備有2/4/6 小時以供選擇，以便配合不同環境及需要

不過多咗呢部機放喺房。。又真係好似空氣清新咗。。小咗打乞嚏留鼻水既!

呢啲咁既過濾機。。Monchacha Mama 知道有啲去到兩三萬都有。。但係咪真係咁work咁值

呢? 你地又用梗邊種呀? 有冇啲咩好野介紹返比 Monchacha Mama 呢?!



資料來源自sharp.com.hk