查小姐黎喇~~~

一次生日之旅。。朦查查地有咗查小姐。。

亦都朦查查地生咗查小姐。。

更加朦查查地做咗查小姐媽媽!

亦因為查小姐出咗黎。。Monchacha mama 先由地獄從返地球咋!!

我可以100%大聲對住大家講。。果種痛唔係十級痛! 果種痛係痛到冇級數可以形容!!! 係冇

級數!!!!!但你又唔會痛死咁囉~


最初聽人話"唔係好痛架咋，冇啲人話到咁誇張，啲十五、六歲妹妹仔自己喺廁所生都係咁

啦!" 好!咁我就天然啲。。。咩針藥都唔選(產前有份問卷問意願的)! 打算自己扛起來!

Monchacha Mama 真的看高了自己，忘記了自己唔再十八二二! 已經踏入三字頭。。又怕食藥

打針既 Monchacha mama 點會扛得起呢~



聞"笑"氣，打止痛針。。通通 Monchacha mama 都做齊了。。。還半醒半暈間問姑娘可唔可

以幫我開刀!(哈哈，政府醫院嘛，姑娘點會理我! 仲話，痛唔係個開刀理由!!!(嬲))

畢生難忘既呢個特別(痛)日子。。Monchacha mama 經歷了。。。

- 人工穿水
- 吊點滴
- 吊催生針
- 人工放尿
- 打b鏈球菌針 x 2
- 打止痛針
- 有感覺既聯針(雖然會另外打支止痛針。。但都會feel到聯下聯下同都有點痛)




因為太痛既關係 Monchacha mama 連"笑"氣喉都扯繼了。。哈哈。。好在查生陪產。。佢全

程幫我按住個"笑"氣罩喺面上。。好讓痛到冇力既 Monchacha mama 可以有一點舒緩! (雖然

佢中途去咗食野同烚眼訓。。但大方既 Monchacha mama 會原諒佢既^^)




最後痛到姑娘為 Monchacha mama 戴上氧氣喉。。因為已痛到呼吸困難!

就係咁。。痛都死去活來後。。大概五個半小時左右。。查小姐終於放過 Monchacha 

mama。。。出咗黎喇~~~

我唔明點解順產既 Monchacha mama 隻手要吊咁多條喉囉。。嗚鳴鳴~~~

(唔好意思。。生完查小姐後。。Monchacha mama 個樣癲哂加上冇化粧。。希望唔好嚇親大

家! 請多多見諒!)