我到以家都諗唔明點解會有咗查小姐~ 我覺得係日本既幅射改變咗 Monchacha Mama既基
因。。諸如此類啦。。。。
所以今年已經係查小姐第二年陪住查生過生日喇~~
本來 Monchacha Mama 喺一個月前已經喺愉景灣既一間餐廳訂咗張枱同蛋糕。。可惜當日
有點小插曲。。未能去到~
Monchacha Mama 又推住查小姐。。又想留個小小神秘感比查生! 所以臨時臨急搵好友幫手
喺 Harbour City 到訂了一間意大利餐廳。。仲remark咗上甜品時要加上 "Happy
Birthday Daddy!"添~
唉。。可惜。。都有名比大家叫~Monchacha Mama~啦。。Monchacha Mama 真係朦查查咁去
錯餐廳囉!
好友原來幫我地訂咗喺 HC 4樓新開既 "La Locanda by Giancarlo Perbellini"! 點知
Monchacha Mama 去咗都係新(過)開既3樓 "LUCQUES tavern"!(滴汗滴汗)
Monchacha Mama 去到話留咗咩名留咗張枱幾點。。人地己經問完又問又 check 都未發覺
錯。。到坐底咗。。明明係間意大利餐廳點解會變咗美國呢~ 到咁都仲係未發覺! 到個甜
品到咗。。冇寫 birthday message 既? 哈哈哈。。都仲未發覺! 喺回家時 Monchacha
Mama 仲客套地同好友 say 哂 thank you~ 點知好友問係咪轉咗餐廳。。Monchacha Mama
仲話冇呀。。去你幫我訂果間囉! 好友話冇幫我訂過喎。。先恍然大悟!!
唉。。不過算啦。。呢間都幾好味呀! Monchacha Mama 果時已經好累同好肚餓了 。。因為之
前我地喺育嬰室搞咗成個鐘先可以安全到步咋。。所以我地 一坐地就 order 咗一個 dinner set
for two!
個 set 有包包、有湯(湯都係龍蝦湯。。味道當然及唔上之前介紹過既 Lawyr's 龍蝦湯啦! 冇記
錯Lawyr's 好似要一百元一碗，所以呢。。不要想了) 、有特色雞槌 (特色在特別細
隻。。真係得一啖咁大把。。不過味道好)、仲有生蠔做頭盤小吃。。
主菜呢。。有呢個海陸拼盤。。包括 8oz 牛扒。。芝士龍蝦。。燒粟米同埋一個好難食既飯(應該係芫茜飯)!
食完都好似冇咩落肚咁。。查生要求叫多半打生蠔! 生蠔真係要推介。。食落口只有啖啖
海水味同蠔既鮮味。。價錢唔貴。。二百多已經有半打!
最後。。係 Monchacha Mama 其侍已久既甜品 - 野生蜂蜜蘋果批! 其待唔係個批。。而係
個生日message! 仲等咗好耐好耐。。心想一定係要寫靚啲啲字。。點知黎到咩都冇既>.<
Sorry 呀。。查生。。今年係查小姐第一個出黎同你過既生日。。但我就攪成咁~~
你原諒我呢個冇記性既 Monchacha Mama啦。。生完係咁上下架啦。。哈~
Happy Birthday DADDY!!!!!!!!!!!
沒有留言:
發佈留言