查小姐100日喇~

查小姐終於100日喇!!!!!(拍拍手)

以家既查小姐已經越來越好湊。。唔再成舊棉花糖咁軟拉拉~

最辛苦就係頭呢三個月。。到今日100日當然要請食餐好既黎慰勞下任勞任怨幫忙既屋企人啦^^

Monchacha mama 一早已經喺 "Lawry's The Prime Rib" 訂咗間房仔一家人來慶祝一番!

送上以下美食來吸引下大家流口水先~




SOUP - 龍蝦湯  一啲都唔鯹而且龍蝦味重。。肯定真材實料。。湯中仲有啖啖龍蝦肉品嚐! 好

想飲多碗呀。。。

Starter - 釀蟹肉  雖然入口係食到一絲絲生砌既蟹肉。。但可能要砌好多隻先合成到呢個蟹

蓋。。所以連蟹殼都食到不小呢~

Salad - 冰旋翡翠沙律   師傅會喺你面將沙律材料放入一個巨大鋼碗中。。而碗下就係用

冰。。冰陣住食材。。即撈即食感覺好 fresh。。加上侍應生會奉上一支 "冰"叉 for 你享用

呢個冰旋沙拉!

食到中段。。飲返杯紅酒等期待以久既主菜先。。

Main Course - Lawyr's Cut!!!雖然咁大塊牛扒但都超勁"林”。。Monchacha Mama 覺得好好

好好味!! 加上佢會有yorkshire pudding 啦、菠菜蓉啦、同埋忌廉粟米做side dishes!

忌廉粟米好味到 Monchacha Mama 要食埋查生果份 (太好味。。忘記附上相片)!

Dessert - 當然就係查小姐既百日蛋糕啦!!! 我地order咗一整個生果忌廉蛋糕。。一家人

開心 SHARE!

蛋糕奉上時仲會有一班好NICE既歌聲為你獻唱來慶祝一番。。最後會幫你地影一張佢地餐廳

既寶麗萊送你做留念。(以下相片喺 Monchacha Mama 既即影即有。。並非拍自 Lawyr's)

其實果晚仲有個小插曲架! 就係查小姐玩爆"屎"呀。。仲爆到上背脊。。鳴鳴鳴~~

本來係銅鑼灣既 Lawry's 搬咗黎中環。。而呢棟係一棟百分百商廈。。所以係冇育嬰室。。

搞到 Monchacha Mama 勁狼狽同尷尬。。最後佢地都好好比咗間員工休息室Monchacha Mama 

入去換片。。但入面又冇水又冇墊。。換完條"屎"片又唔知可以掉去邊>.< 唔通攞返埋位放

入袋之後繼續剧扒咩。。不過呢個咁好既經驗。。教識咗 Monchacha Mama 下次同查小姐出

街街要帶多件底衫比佢必要時替換。。仲有一個膠袋!

Anyways。。

Happy 100 Days。。my precious Ms.CHA >3<